एक युवकले आफ्नी पत्नी अर्कैसँग विवाह गरेर गएको झोंकमा १८ महिलाको हत्या गरेको खुलासा भएको छ ।
ती युवकले ती १८ महिलालाई आफ्नो नजिकको बनाउने, शारीरिक सम्पर्क राख्ने र हत्या गर्ने गरेको खुलासा भएको हो । 
यो घटना भारतको हैदराबादको हो । त्यहाँको टास्क फोर्स प्रहरीले एक सिरियल किलरको पक्राउ गरेको छ । उनलाई २ महिलाको हत्याको आरोपमा पक्राउ गरिएको हो । अनुसन्धान हुँदै गर्दा यसअघि नै उनले १६महिलाको हत्या गरेको खुलेको बताइएको छ । 
अनुसन्धानका क्रममा ती युवकले आफ्नी पत्नी अर्कै पुरुषको साथ भागेपछि आफूलाई महिलाहरूसँग रिस उठ्ने गरेको बताएका छन् ।
उनले ३० डिसेम्बर, २०२० मा एक ५० वर्षीया महिलाको हत्या गरेको आरोप लागेको छ । नर्थ जोन टास्क फोर्सको प्रहरी टीमले ४५ वर्षीय रामुलूलाई पक्राउ गरेको थियो । रामुुलूले पछि अर्की ३५ वर्षीय युवतीको पनि हत्या गरेको बताइएको छ । 
प्रहरीका अनुसार, रामुलूले २१ वर्षको उमेरमा विवाह गरेका थिए । उनको पत्नीले उनलाई छाडेर अर्कै युवकसँग भागेपछि उनले महिलाहरूलाई घृणाको नजरले हेर्न थालेका थिए ।