गोरखापत्रमा नै जनतालाई स्वतन्त्र  र  सार्वभौमसत्ता  सम्पन्न  बनाउन  निरङ्कुश शासन र तानासाही व्यवस्थाविरुद्धको आन्दोलनमा  जीवन  बलिदानी  दिने  वीर  वीरङ्गनाप्रति  सम्मान  गर्दै  शुक्रबार  देशभर  विभिन्न  कार्यक्रमका  साथ  शहीद  दिवस  मनाइएको खबर छापिएको छ । शहीद सप्ताहको अन्तिम दिन शुक्रबार अमर  शहीदहरूका  सालिकमा  माल्यार्पण  गरी उच्च सम्मान प्रकट गरिएको छ ।

यसै अवसरमा  शहीद  सप्ताहको  अन्तिम  दिन  शुक्रबार  लैनचौरस्थित  शहीद  स्मारकमा  गइ प्रधानमन्त्री  केपी  शर्मा  ओलीले  त्यहाँ रहेको स्मारकमा पुुष्पगुुच्छा अर्पण गरी शहीदहरूप्रति उच्च सम्मान प्रकट गरे । त्यसपछि  आयोजित  कार्यक्रमलाई  सम्बोधन  गर्दै प्रधानमन्त्री  ओलीले  शहीदको  सपना  साकार  पार्नकै  लागि  सरकार  निरन्तर  सक्रिय  र  क्रियाशील  रहेको  बताए ।