२२ जेठ २०८३, शुक्रबार
फागुन अन्तिम साता हुन गइरहेको दशौं नेफ्टा अवार्डको टाइटल स्पोन्सरमा एलआइसी (लाइफ इन्स्योरेन्स कर्पोरेसन) नेपालले सहकार्य गर्ने भएको छ । चलचित्र प्राविधिक संघसँग दशौं नेफ्टा अवार्डको लागी आयोजकमा जोडिएको ड्रिम हाइ नेपाल प्रा.ली. र एल.आइ.सीबीच शुक्रबार सम्झौता पत्रमा साइन गरिएको हो ।
एलआइसीका तर्फबाट सिइओ लक्ष्मीप्रसाद दास र ड्रिम हाइ नेपालको तर्फबाट कमल जिसीले सम्झौता पत्रमा हस्ताक्षर गरेका छन् । टाइटल स्पोन्सर बापत नेफ्टा अवार्डलाई एलआएसीले कति रकम उलपब्ध गरायो भन्ने खुलाइएको छैन । सम्झौतापछिको सहकार्यसँगै नेफ्टा अवार्डको नाम अब 'एलआइसी नेपाल १० औं नेफ्टा अवार्ड २०७७ भएको छ ।
ड्रिम हाइ नेपालका प्रमुख कमल जिसीले मुख्य प्रा्योजनसँग सम्झौता भएसँगै अब यो अवार्ड भव्य रुपमा सम्पन्न हुने विश्वास लिएको बताए । उनले भने, ‘अव एक महिनामा कार्यक्रम हुँदैछ । कोभिड पछिकै सबैभन्दा ठुलो एवार्ड हुन लागेकोमा सबैले चासो दिनुभएको छ । सबैको सहयोग मिलिरहेको छ । खुसी लागेको छ ।'
टाइटल सपोन्सरमा एलआइसी जोडिएसँगै नेफ्टा अवार्डको ब्युटी स्पोन्सरमा जोय पपाया र अर्को सहकार्य पार्टनर काठमाडौं वर्ल्ड स्कुल पनि जोडिएको छ भने अवार्डलाई पर्यटन बोर्डले प्रवर्धन गर्नेछ । अवार्ड समारोहले आन्तरिक पर्यटन प्रवर्धनमा समेत सघाउ पुर्याउने आयोजकले विश्वास लिएको छ ।
कोरोना भाइरसको महामारीको कारण गत बर्ष स्थगित भएको यो अवार्डमा २०७५ सालमा बर्षभरी प्रदर्शनमा आएका नेपाली फिल्मले प्रतिस्पर्धा गर्दैछन् । जुरीले फिल्मको उत्कृष्ट पाँच मनोनयन छानिसक्दा मनोनयन सार्वजनिक कार्यक्रम यहि माघ २४ गते काठमाडौंमा हुनेछ । अवार्ड समारोह भने फागुन २९ गते हुनेछ ।
कोरोना महामारीपछि सुस्ताउने अवस्थामा पुगेको चलचित्र क्षेत्रलाई थप चलायमान र सकृय बनाउन अवार्ड कार्यक्रम गर्न लागिएको प्राविधिक संघ अध्यक्ष पुष्कर लामाले बताए । महामारिको कारण डुबानमा परेको चलचित्र क्षेत्रलाई गतिशिल बनाउने आफुहरुको दायित्व भन्दै यस कार्यमा हातेमालो गर्न समग्र चलचित्रकर्मी, दर्शक तथा सुभचिन्तकहरुलाई लामाले आग्रह पनि गरेका छन् ।
