२३ असार २०८३, मंगलबार
इजिप्टको तापोसिरिस माग्नामा पुरातत्त्ववेत्ताहरूले १६ वटा तख्ता खोल्दा एउटामा सुनको जिभ्रो भएको मम्मी फेला पारेका छन् ।
मृत व्यक्तिको शरीरलाई लेप लगाउँदै गर्दा जिभ्रो निकालेर सुनको जिभ्रो राखिएको हुन सक्ने पुरातत्त्व टोलीको अनुमान छ । यमलोकका भगवान् ओसिरिससँग मृत व्यक्तिले कुरा गरून् भनी सुनको जिभ्रो राख्ने चलन प्राचीन इजिप्टमा चलेको थियो ।
मम्मी झिकिएको तख्ता दुई हजार वर्ष पुरानो हो र प्राचीन ग्रिसेली र रोमन युगमा प्रसिद्ध थिए । यी तख्ताहरू एक पहाड वा प्राकृतिक चट्टानभित्र थिए ।
तख्ताहरूभित्र अनेकौं मम्मी थिए र तिनको अवस्था जीर्ण भइसकेको थियो । तर मास्कहरू जस्ताको त्यस्तै हुँदा प्रत्येक मानिस कस्तो थियो भनी पुरातत्त्वविद्हरूलाई जानकारी भएको छ ।
उत्खनन सान्तो दोमिंगो विश्वविद्यालयले गराइरहेको हो । टोली लगभग एक दशकदेखि त्यहा उत्खनन कार्य गरिरहेको छ ।
टोलीले यसअघि तापोसिरिस माग्ना मन्दिरमा अनेकौं सिक्काहरू फेला पारेको थियो । त्यसमा रानी क्लियोपेट्रा सातौंको अनुहार छापिएको थियो ।
राजा टोलेमी चौथोले यो दर्शनीय मन्दिर बनाएको मूर्ति र मन्दिरका प्रांगणले उजागर गरेका छन् ।
टोलेमी चौथो फिलोपेटरले इजिप्टमा २२१ देखि २०४ ईसापूर्वमा शासन गरेका थिए । उनले विलासी समारोहहरू आयोजना गर्ने गर्थे । टोलेमी राजवंशको पतन उनैको पालाबाट भएको बताइन्छ ।
