प्रतिनिधि सभाका पूर्व सभामुख कृष्णबहादुर महरा सडक आन्दोलनमा देखिएका छन् ।

नेकपा प्रचण्ड–नेपाल समूहले बुधवार काठमाडौंमा आयोजना गरेको विरोध सभामा पूर्व सभामुख महराले ललितपुरको जुलुसको नेतृत्व गरेका थिए । 

महराले ‘प्रतिगामी कदम मुर्दावाद, संसद विघटन खारेज गर !’ लेखिएको मास्क लगाएका थिए । 

संसद् सचिवालयमा कार्यरत महिलामाथि दुव्र्यवहारको आरोप लागेर सभामुखबाट राजीनामा गरेपछि महरा लामो समय निस्क्रिय थिए । 

ललितपुरको जुलुसको नेतृत्व स्थायी कमिटी सदस्य पम्फा भुसाल र रघुजी पन्त लगायतका नेताहरूले गरेका थिए ।

पुल्चोकबाट शुरू भएको जुलुसमा ललितपुरका स्थानीयको समेत उल्लेख्य सहभागिता थियो ।

स्थानीयले धिमे बाजा बजाउँदै जुलुसमा सहभागिता जनाएका छन् ।