०९ साउन २०८३, शनिबार
न्युजील्यान्डमा एक सांसदले टाइ नलगाएपछि सजाय दिइएको छ ।
आदिवासी सांसद राविरी वेइटिटीले संसद् भवनभित्र टाइ लगाउन अस्वीकार गरेका छन् । त्यसपछि उनलाई बाहिर निकालिएको छ ।
उनले भने, ‘टाइ हाम्रा लागि गुलामीको प्रतीक हो र हामी यसलाई लगाउँदैनौं ।’
सभामुख ट्रेभर मलार्डले वेइटिटीलाई चेतावनी दिँदै सरकारसँग प्रश्न सोध्ने हो भने टाइ लगाउनुपर्छ भने । तर उनले यसलाई अस्वीकार गरे अनि सदनबाट बाहिर निकालिए । सभामुखको यस फैसलाको आलोचना गरिएको छ ।
वेइटिटी माओरी आदिवासी हुन् । उनले टाइको साटो आफ्नै जातिको लकेट लगाएका थिए । त्यसपछि सभामुखले उनलाई च्याम्बरमा बोलाएर टाइ लगाउनु जरूरी छ भनी सम्झाए । तर उनले गुलामीको प्रतीक नलगाउने भनी अस्वीकार गरिदिए ।
पोहोर साल न्युजील्यान्डमा टाइको विषय पहिलोपटक उठ्दा सभामुखले सबै सांसदलाई लिखित सुझाव दिन भनेका थिए । अधिकांश सांसदले टाइ लगाउने नियम सही भएको बताएका थिए ।
