०२ साउन २०८३, शनिबार
कलाकार तथा ज्योतिष हरिहर अधिकारी र नीता ढुंगानाको प्रेमबारे हल्ला खल्ला भइरहेकै कुरा हो । तर, उनीहरु पछिल्लो केहि समयदेखि गहिरो प्रेम सम्बन्धमा रहेको बुझिएको छ ।
कुनै मिडियामा प्रेमका बारेमा न भनेपनि आजभोलि सामाजिक सञ्जालमार्फत तस्विर शेयर गर्न थालेका छन्। एकले अर्काको पोस्टमा कमेन्ट र रियाक्ट गर्न थालेका छन् ।
नीताले हरिहरले चलाउँदै आएको कार्यक्रम मार्ग दर्शनका भिडियो शेयर गरिरहेकी हुन्छिन् ।
नीताले केहि समय अघि एक टिभी कार्यक्रममा आफू हरिहरसँग प्रेममा रहेको रहस्य खोलेकी थिइन भने हरिहरले समेत लोकान्तरसँगको गफमा आफुलाई नीता मनपर्ने र उनले पनि राम्रो लाग्ने गरेको बताएका थिए ।
स्रोतका अनुसार उनीहरु आगामी बैशाखमा बिहे गर्ने सम्भावना छ । तर, उनी दुबैले यो बिषयमा भने मुख खोलेका छैनन् । हरिहरले केहि समय अघि सार्वजनिक गरेको नीतासँगको तस्विरमा सबैले नाइस कपल भनेका थिए भने पछिल्ला हरेक पोस्टमा उनका सुभेच्छुकले नीतासँग जोडेर कमेन्ट गर्न थालेका छन् ।
आज मात्रै नीताले हरिहर अधिकारीको जन्मदिनको अवसरमा दुबैको मुस्कानसहितको तस्विर शेयर गर्दै शुभकामना दिएकी छन् । उक्त सुभकामनास्वरुपको पोस्टमा सबैले प्रेम रहेको सहजै बुझ्न सक्छन् ।
हरिहर निकट एक स्रोतका अनुसार हरिहर र नीता १ बर्षदेखि प्रेममा छन् ।
