नेपाली काँग्रेसका पूर्व महामन्त्री कृष्णप्रसाद सिटौलाले नेकपाको प्रचण्ड नेपाल समूहलाई सडकमा राखेर निर्वाचनमा जान खोजिए मुलुक अर्को राजनीतिक द्वन्द्वमा फस्ने बताएका छन् । काँग्रेस केन्द्रीय कार्यसमितिको बिहीबारको बैठकमा बोल्दै उनले नेकपा र नेकपाको चुनाव चिह्न सूर्यलाई फ्रिज गराएर प्रधानमन्त्री केपी शर्मा ओलीले पहिल्यै निर्वाचन आयोगमा दर्ता भएको एमाले लिइ चुनावमा जान खोजेको पनि बताए । यसो गर्दा प्रचण्ड नेपाल समूहले निर्वाचनमा भाग नलिने र त्यसले नयाँ द्वन्द्वतर्फ मुलुक धकेलिने चिन्ता उनले प्रकट गरेको खबर कान्तिपुर दैनिकमा छापिएको छ ।