१२ साउन २०८३, मंगलबार
समाजवादी पार्टी नेपालका संघीय परिषद् अध्यक्ष एवम् पूर्वप्रधानमन्त्री डा. बाबुराम भट्टराईले सचेत नागरिकहरूको टुँडिखेल मार्च सराहनीय भएको बताएका छन् ।
शुक्रवार सामाजिक सञ्जाल ट्वीटरमा एक ट्वीट गर्दै डा. भट्टराईले टुँडिखेललाई सबै जनताको साझा खुला र हरियाली युक्त स्थान बनाउन समेत माग गरेका छन् ।
उनले फोक्सो बिनाको शरीर नभए झैं खुला हरित स्थान बिनाको शहर नहुने समेत बताएका छन् । उपत्यकाको विभिन्न स्थानमा टुँडिखेल र अन्य हरियाली युक्त खुला स्थान निर्माण गर्न सबैले ध्यान पुर्याउनुपर्ने बताएका छन् ।
सचेत नागरिकहरूको टुॅलिखेल मार्च सराहनीय छ;सफल रहोस्।टुॅडिखेललाई सबै जनताको साझा खुला र हरियालीयुक्त स्थान बनाऔं। फोक्सो विनाको शरीर नभए झैं खुला हरित स्थान विनाको शहर हुन्न।उपत्यकाका विभिन्न स्थानमा टुडिखेल र अन्य हरियालीयुक्त खुला स्थान निर्माण गरौं! सबैको ध्यान पुगोस्!
— Baburam Bhattarai (@brb1954) February 19, 2021
