राष्ट्रिय प्रजातन्त्र पार्टी (राप्रपा) अब महाधिवेशन केन्द्रित भएको छ ।

संसद विघटनसँगै वैशाखका लागि तोकिएको निर्वाचनका कारण महाधिवेशन प्रभावित हुनसक्ने आशंका गरिएपनि सर्वाेच्च अदालतले संसद पुनःस्थापनाको फैसला गरेपछि अब राप्रपा महाधिवेशन केन्द्रित हुने भएको हो ।

राप्रपा अध्यक्ष कमल थापाले बुधवार बिहान सामाजिक सञ्जाल ट्विटरमा लेख्दै राप्रपा महाधिवेशन सुनिश्चित भएको जनाएका छन् ।

‘प्रतिनिधिसभा विघटन सम्बन्धी विवाद अन्त्य भएपछि अब राप्रपाको महाधिवेशन सुनिश्चित भएको छ । पूर्व निर्धारित कार्यक्रम अनुसार राप्रपाको महाधिवेशन २०७८ वैशाख २५–२८ काठमाडौंमा हुनेछ,’ अध्यक्ष थापाले लेखेका छन्, ‘एकता महाधिवेशनको निम्ति युद्धस्तरमा तयारी गर्न पार्टीका सबै तहका निकाय र साथीहरूलाई आह्वान गर्दछु ।’

प्रतिनिधिसभा विघटन सम्वन्धि विवाद अन्त्य भएपछि अब राप्रपाको महाधिवेशन सुनिश्चित भएको छ। पूर्वनिर्धारित कार्यक्रम अनुसार राप्रपाको महाधिवेशन २०७८ बैशाख २५-२८ काठमाडौंमा हुनेछ।एकता महाधिवेशनको निम्ति युद्धस्तरमा तयारीगर्न पार्टीका सबैतहका निकाय र साथीहरुलाई आह्वान गर्दछु। pic.twitter.com/ZNCutGk1EB

— Kamal Thapa (@KTnepal) February 24, 2021