०२ साउन २०८३, शनिबार
भारतको गुजरात राज्यमा शहरी निकाय चुनावमा भारतीय जनता पार्टीले शानदार जीत हासिल गरेको छ ।
तर साथसाथै आम आदमी पार्टीले यी चुनावहरूमा राम्रो शुरूआत गरेको छ । भाजपाको गढ मानिने क्षेत्रहरूमा उक्त दलले जीत हासिल गरेको छ ।
सूरतमा आम आदमी पार्टीले २७ सीट जितेको छ ।
पार्टीका अध्यक्ष तथा दिल्लीका मुख्यमन्त्री अरविन्द केजरीवालले यस शुरूआतका लागि मानिसहरूलाई धन्यवाद दिएका छन् । शुक्रवार उनले गुजरात भ्रमण गर्ने घोषणा पनि गरेका छन् ।
केजरीवालले भने, ‘गुजरातले नयाँ राजनीतिको आरम्भ गरेको छ । इमान्दार राजनीति, कामको राजनीति, राम्रा विद्यालयहरूको राजनीति, सस्तो र २४ घन्टा नै बिजुली आउने राजनीति, राम्रा अस्पतालहरूको राजनीति । हामी सबै मिलेर गुजरातलाई सम्हाल्नेछौं । तपाईंहरूलाई धन्यवाद दिन म २६ फेब्रुअरीमा सूरत आउँदैछु ।’
