०४ असार २०८३, बिहीबार
लगातार बढिरहेको पेट्रोलियम पदार्थको मूल्यवृद्धिविरुद्ध भारतको पश्चिम बंगालकी मुख्यमन्त्री ममता बनर्जी सडकमा उत्रिएकी छन् ।
मुख्यमन्त्री बनर्जीले कलकत्तामा विद्युतीय बाइक र्याली गरेकी छन् ।
उनी कलकत्ताका मेयर फिरहाद हकीमको बाइकमा बसेर र्यालीमा सहभागी भएकी हुन् । मुख्यमन्त्री बनर्जीको घाँटीमा महंगीविरुद्ध पोस्टर झुण्डिएको देखिएको भारतीय सञ्चारमाध्यमले जनाएका छन् ।
प्रधानमन्त्री नरेन्द्र मोदी नेतृत्वको केन्द्र सरकारले मूल्यवृद्धि गराएपछि मुख्यमन्त्री बनर्जी त्यसको विरोध गर्दै सडकमा उत्रिएकी हुन् । ‘नोटबन्दी, पेट्रोल–डिजलको मूल्यवृद्धिका कारण देश पछाडि जाँदैछ, यसका लागि प्रधानमन्त्री नरेन्द्र मोदी र अमित साह जिम्मेवार छन्,’ उनले भनिन् ।
मुख्यमन्त्री बनर्जी नेतृत्वको पार्टी तृणमूल कांग्रेस (टीएमसी) ले भारतीय जनता पार्टी (भाजपा) र केन्द्र सरकारविरुद्ध आन्दोलन गर्दै आएको छ ।
