अमेरिकाका राष्ट्रपति जो बाइडनले बुधवार डेमोक्रेट सांसदहरूबाट प्रश्न लिनै लागेका बेलामा लाइभ फीडलाई ह्वाइट हाउसले काटिदिएको छ ।

राष्ट्रपति बनेदेखि अहिलेसम्म बाइडनले औपचारिक प्रेस सम्मेलन गरेका छैनन् । 

उनले सञ्चारकर्मीहरूका प्रश्नको उत्तर दिएका छन् तर सीमित मात्रामा । उनी थप पारदर्शी हुनुपर्ने भनी आलोचकहरूले बताएका छन् । 

बुधवार उनी डेमोक्रेट सांसदहरूको भेलामा सहभागी भएका थिए । महामारीका कारण भर्चुअल बैठक गरिएको थियो । 

सभामुख न्यान्सी पलोसीले अनुमति दिएपछि बाइडनले कोभिड–१९ राहत विधेयकका विषयमा कुरा गरे । त्यसबारेमा संसदमा बहस चलिरहेको छ ।

उनले यो विधेयक आवश्यक रहेको बताए अनि डेमोक्रेटहरूलाई आफ्ना जनतालाई यो कुरा बताउन आग्रह गरे । 

‘म प्रश्न लिन तयार छु । म यहाँ बसेकै त्यसका लागि हो,’ उनले बताए । 

‘तपाईंले जे भन्नुहुन्छ गर्छु ।’

त्यसपछि लाइभ फीड काटिन्छ । 
 

बाइडनलाई पूर्ण प्रेस सम्मेलन गराउन माग आइरहेका छन् ।