जेठ ८, वीरगन्ज– पर्साको वीरगन्जस्थित महावीरआस्थानमा विद्यार्थी लिन गएको एक स्कुल बसले किचेर विद्यार्थीको मृत्यु भएको छ ।

स्कुल बसले किचेर वीरगन्जमा रहेको देल्ही पब्लिक स्कुलमा कक्षा ९ मा अध्ययनरत दीया ग्रवालको मृत्यु भएको हो ।

सोमबार बिहान ८ः३० बजेतिर ना २ ख ८९३ नम्बरको बसले कुल्चेर बालिकाको ज्यान गएको हो ।

घटनापछि स्थानीय निकै आक्रोशित भएका छन्, स्थिति तनावपूर्ण छ । प्रहरीले बस र चालकलाई नियन्त्रणमा लिएको छ ।