डा. काशिराज पाण्डेको पुस्तक बजारमा

डा. काशिराज पाण्डेको कृति 'रुपान्तरणमुखी सिकाइको सिद्धान्त (Theorizing Transformative Learning)' नामक पुस्तक नेदरल्याण्डबाट प्रकाशित भएर विश्व-पाठक मञ्चमा आएको छ।

डा. पाण्डेले प्रतिष्ठित अस्ट्रेलिया अवार्ड नामक छात्रवृत्ति बाट अस्ट्रेलियाकै मर्डख विश्व-विद्यालयबाट यसै विषयमा विद्यावारिधि गरेका हुन्। सिद्धान्तकार डा. पाण्डेका अनुसार रुपान्तरणमुखी शिक्षाले हरेक व्यक्तिको व्यक्तिगत, पारिवारिक,सामाजिक, नैतिक चेतमा सचेतना थपेर राष्ट्रिय, अन्तराष्ट्रिय समन्वयमा समेत सकारात्मक गति दिन्छ। यसले विद्यार्थीहरु माझ आ-आफ्नो गतिबिधि लाइ सुनेर अथवा बोलेर मात्र नभई नजिकैबाट नियालेर, सजग भएर, आफू वरिपरिका वातावरणसँग भिडाएर, पढेर, लेखेर, आफ्नो जीवनमा उतारेर देखाउन प्रेरणा दिन्छ।


Advertisement

धादिङको उत्तरी भेगमा अवस्थित नेत्रावती गाउँपालिका, निमार्चोक-आरुखर्कको मध्यम वर्गीय किसान परिवारमा जन्मिएका डा. पाण्डे आफ्नो पीएचडी अध्ययन पछि स्वदेश फर्केर पाठ्यक्रम विकास केन्द्रले तयार गरिरहेको कक्षा ९, १०, ११, र १२ को लागि मानव मूल्य शिक्षा विषयको पाठ्यक्रम निर्माणमा समेत सक्रिय रुपले संलग्न रहेका छन्।

फुर्सदको समयमा आफूलाई सामाजिक काम र साहित्यिक सृजनामा व्यस्त राख्न मन पराउने डा. पाण्डेले विगत १७ वर्ष देखि काठमाडौँ विश्व-विद्यालयमा अंग्रेजी भाषा, साहित्य, अनुसन्धान र व्यवसायिक संबाद जस्ता विषयहरु प्राध्यापन गर्दै आएका छन्।


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्