मेलम्ची  खानेपानी  आयोजनाले  राजधानीमा  पानी  वितरणसँगै  ‘फायर  हाइड्रेन्ट’  सञ्चालनमा  ल्याउने तयारी गरेको छ । दमकलले पानी भर्न  मिल्ने  गरी  प्रविधि  जडान  गरिनुलाई  फायर  हाइडे«न्ट  भनिन्छ  ।  यो  आधुनिक  प्रविधिमा आधारित हुनेछ । राजधानीमा बढ्दै गएको आगलागीको जोखिमलाई दृष्टिगत गर्दै मेलम्ची खानेपानी आयोजनाले  चक्रपथभित्र  ३५०  स्थानमा  ‘फायर हाइड्रेन्ट’ को स्थापना गर्न लागेको हो ।

मेलम्ची खानेपानी आयोजना कार्यान्वयन निर्देशनालयका  निर्देशक  कमल  श्रेष्ठले  घना  बस्ती  र  आवादीका  कारण  दिनका  दिन  आगलागीको  जोखिम  बढ्दै  गएको  राजधानीमा  मेलम्चीको  पानी  वितरणसँगै  आगलागी नियन्त्रण, दैवीप्रकोप तथा विपत् व्यवस्थापनका  लागि  सहज  र  उपयोगी  हुने  ‘फायर  हाइड्रेन्ट’  सञ्चालनमा  ल्याइने  जानकारी दिए । मेलम्चीको पानी वितरणका लागि पाइप जडान  भइसकेका  क्षेत्रहरूमा  अहिलेसम्म  २३० वटा फायर हाइड्रेन्ट’ जडान भइसकेका छन्  ।  गोरखापत्रमा खबर छ।