०२ साउन २०८३, शनिबार
विश्व स्वास्थ्य संगठनले कोरोनाभाइरस महामारी गोप्य चिनियाँ प्रयोगशालाबाट फैलिएको भन्ने दाबीलाई खण्डन गर्दै एक प्रतिवेदन सार्वजनिक गर्न लागेको छ ।
पशुबजारबाट चाहिँ भाइरस फैलिएको प्रतिवेदनमा उल्लेख गरिएको बुझिएको छ ।
बहुप्रतीक्षित प्रतिवेदनमा यो रोग वुहानको हुआनान सीफूड मार्केटमा जीवित पशु वा फ्रोजन मासुमार्फत आएको विज्ञहरूको भनाइ रहेको उल्लेख गरिएको छ ।
पश्चिममा वुहान इन्स्टिच्युट अफ भाइरोलोजीले कोभिड–१९ बोकेका चमेरोको अध्ययन गरेको भन्ने आशंका व्यक्त गरिँदा विश्व स्वास्थ्य संगठनको यस्तो प्रतिवेदनले पक्कै विवाद निम्त्याउने देखिन्छ ।
अनुसन्धान टोलीका वरिष्ठ अधिकारीहरूले यस प्रतिवेदनमा फ्रोजन फूड थ्योरी नै महामारीको उत्पत्तिको सबभन्दा सही व्याख्या भएको कुरा लेखेको बताइएको छ ।
गत साता बेलायती थिंकट्यांक च्याटम हाउसले आयोजना गरेको एक सम्मेलनमा बोल्दै चीन गएको टोलीका सदस्य डा पिटर दास्जाकले वुहानको बजार तथा दक्षिण चीनका विभिन्न क्षेत्रबीच सम्बन्ध रहेको बताए । ती क्षेत्रका कोरोनाभाइरस बोक्ने चमेराहरू पाइन्छन् ।
