२२ जेठ २०८३, शुक्रबार
हङकङमा एक व्यक्तिले यात्रुवाहक फेरी डुंगालाई विलासी जहाज बनाएका छन् । त्यो विलासी डुंगा समुद्रमा तैरिने होटल जस्तो देखिन्छ ।
यो १५४ फीटको फेरी बोटलाई गोल्डन स्टार भनी चिनिन्थ्यो । तर आफ्नो नाम सार्वजनिक गर्न नचाहने एक व्यक्तिले यसलाई आमूल परिवर्तन गरे ।
सन् २०११ मा यस फेरीलाई बिक्री गरिएको थियो । त्यसपछि ती व्यक्तिले यसलाई विलासी डुंगा बनाए ।
यसमा चारवटा कोठा छन् । एउटा फिल्म थिएटर पनि छ । फर्मल डाइनिङ रूम पनि छ । रूफटप स्पटमा सनबाथिङ पनि छ । यसमा सोलर प्यानल लगाइएको छ । यसभित्र हङकङकै सबभन्दा ठूलो सोफा राखिएको छ ।
डुंगाभरि एसी लगाइएको छ । वर्किङ स्पेस पनि बनाइएको छ । त्यहाँ बसेर समुद्रको दृश्यपान गर्न सकिन्छ । एउटा भान्सा पनि र चारैतिर झ्यालहरू छन् ।
यसलाई यस किसिमले सजाउनका लागि १८ महिना लागेको थियो । यसको नाम डीओटी राखिएको छ ।
ओसनइन्डिपेन्डेन्स पत्रिकाका अनुसार, यो विलासी डुंगा अब बिक्नका लागि तयार छ । यसको मूल्य लगभग ३१ करोड राखिएको छ ।
