जनता समाजवादी पार्टी (जसपा) केन्द्रीय कार्यकारी समितिको बैठक अन्तिम समयमा स्थगित भएको छ ।

बिहीवार बोलाइएको बैठकमा समसामयिक राजनीतिक विषय, पार्टीको विधान र संसदीय दलको नेता चयनबारे छलफल हुने बताइएपनि बैठक अन्तिम समयमा स्थगित भएको हो ।

बैठकको तयारी नपुगेकाले स्थगित भएको कार्यकारी सदस्य केशव झाले जानकारी दिए ।

जसपा पदाधिकारीको अनौपचारिक बैठकले स्थगनको निर्णय लिएको जनाइएको छ ।

जसपाभित्र सत्ता समीकरणका लागि प्रधानमन्त्री केपी शर्मा ओलीसँग सहकार्य गर्ने कि इतर पक्षसँग सहकार्य गर्ने भन्ने विषयमा विवाद रहेको छ ।