नेकपा माओवादी केन्द्रको युवा संगठन योङ कम्युनिस्ट लिग (वाईसीएल) नेपालले आगामी जेठ २८–३० गतेसम्म राष्ट्रिय भेला गर्ने भएको छ ।

सर्वोच्च अदालतले माउ पार्टी ब्युँताएपछि काठमाडौंमा चैत्र ४–५ गते बसेको वाईसीएल नेपाल केन्द्रीय कमिटीको चौथो पूर्ण बैठकले भेला गर्ने निर्णय गरेको हो । 

भेलाले नयाँ नीति र नेतृत्व चयन गर्ने वाईसीएलका सचिव पुष्प ओलीले बताए ।

संगठनलाई चलायमान गराउनका लागि भन्दै राष्ट्रिय भेला अगावै टोल कमिटीदेखि प्रदेश कमिटीसम्मका भेलाहरू आयोजना हुने र राष्ट्रिय भेलाका प्रतिनिधिहरू प्रदेश भेलाबाट चुनिएर आउने सचिव ओलीले बताए । 

बैठकले राष्ट्रिय भेलाअगावै २ लाख नयाँ सदस्यता विस्तार गर्ने निर्णय समेत गरेको छ ।