१७ असार २०८३, बुधबार
पाँचपटक बालून दोर पुरस्कार जितेका क्रिस्चियानो रोनाल्डोलाई आइतवार महानतम खेलाडी (गोट) को जर्सी दिइएको छ ।
तर जर्सी पाएकै दिन उनको टीम युभेन्टसलाई गृहमैदानमै पुछारतिरको क्लब बेनेभेन्तोले १–० ले हराएको छ । बेनेभेन्तो १६औं स्थानमा छ ।
खेलअघि रोनाल्डोलाई क्लब अध्यक्ष आन्द्रिया आग्नेलीले गोट र ७७० लेखिएको जर्सी दिएका थिए । ७७० गोल गरी उनले पेलेको कीर्तिमान भंग गरेका हुन् ।
बेनेभेन्तोसँग हारेपछि युभेन्टस अग्रस्थानमा रहेको इन्टर मिलानभन्दा १० अंक पछाडि परेको छ । युभेन्टसले यस सीजनमा उपाधि जित्ने सम्भावना न्यून बन्दै गएको छ ।
