०४ साउन २०८३, सोमबार
भारतको बिहारमा राज्य प्रहरी बललाई थप अधिकार दिने विधेयकका विषयमा विवाद हुँदा मंगलवार विधानसभा भवनभित्रै विपक्षी दलका विधायकलाई प्रहरीले हातपात गरेको र घिसारेको छ ।
निहत्था विधायकहरूलाई विधानसभामा नै कुटपिट गरिएको र प्रहरी तथा स्थानीय गुण्डाहरूले हातपात गरेको विपक्षी दलका नेता तेजस्वी यादवले बताए । विधानसभामा प्रहरीलाई प्रवेश गर्न मुख्यमन्त्री नीतीश कुमार र उनको सरकारले दिएको आरोप पनि यादवले लगाए ।
राष्ट्रिय जनता दलका एक विधायकलाई स्ट्रेचरमा राखेर लगिएको तस्वीर पनि उनले सार्वजनिक गरे ।
‘मेरा क्रान्तिकारी विधायक सतीश दास गरीब परिवारका हुन् र उनी नीतीश कुमारको हुलहुज्जतको शिकार बने । उनलाई शिरमा चोट लागेको छ । यो तस्वीर त्यसको प्रमाण हो,’ तेजस्वीले हिन्दीमा ट्वीट गरे ।
विधायक अनिता देवीलाई सुरक्षाकर्मीले घिसारेको भिडियो राबडी देवीले ट्वीट गरिन् ।
बिहार स्पेसल आर्म्ड पुलिस बिल २०२१ को विरोध गर्दै महागठबन्धनका सदस्य विधायकहरूले खारेजीको माग गरेका छन् । मंगलवार मात्र सदनको कारवाही पाँचपटक स्थगित भएको थियो ।
‘यो भयानक ऐनले प्रहरीलाई निरपेक्ष अधिकार दिन्छ र यसले प्रहरीलाई नीतीशको निरंकुशतावादी राजनीतिको हतियार बनाउँछ । प्रहरी लगाएर विधायकहरूलाई कुटपिट गर्दै विधेयक पारित गरिएको छ,’ तेजस्वी यादवले बुधवार ट्वीट गरे । उनले विधानसभाभित्र भएको अस्तव्यस्तताको भिडियो पनि शेयर गरे ।
राजद विधायक को लोकतंत्र के मंदिर में सादे कपड़ों में मौजूद गुंडा सरकार के नरभक्षी शासकों के गुंडों ने इतना पीटा कि उन्हें स्ट्रेचर पर एम्बुलेंस में लेकर जाना पड़ा।
— Tejashwi Yadav (@yadavtejashwi) March 24, 2021
वो कह रहे है कि ज़ालिम नीतीश जी हत्या करवा देंगे। वैसे भी CM को हत्या करने-कराने का पुराना अनुभव है। pic.twitter.com/BFGxeslLZB
