२८ जेठ २०८३, बिहीबार
पाकिस्तानी ब्याट्स्म्यान फखर जमानले करीरयकै सर्वोत्कृष्ट ब्याटिङ गर्दै आइतवार जोहानेसबर्गमा दक्षिण अफ्रिकी बलरहरूलाई अत्त्याएको भए पनि म्याचचाहिँ जिताउन सकेनन् ।
दोस्रो एकदिवसीयमा ३४२ रनको विशाल लक्ष्य पछ्याएको पाकिस्तान १७ रनले पराजित हुन पुग्यो ।
जमानले १५५ बलमा १९३ रन बनाए अनि अन्तिम ओभरमा रन आउट भए । चेज गर्दाखेरी सबभन्दा धेरै रन बनाउने कीर्तिमान जमानले बनाएका छन् । यसअघि शेन वाट्सनले चेज गर्दा १८५ नटआउट बनाएका थिए ।
तर पाकिस्तानका अन्य ब्याट्स्म्यानले साथ नदिँदा जमान निराश हुनुपर्यो । दोस्रो सर्वाधिक स्कोर बाबर आजमको ३१ रन रह्यो । त्यसपछिको स्कोर २५ अतिरिक्त रन थियो ।
जमानलाई रनआउट गराउन दक्षिण अफ्रिकाका विकेटकीपर क्विन्टन डीककले खेल भावनाको विपरीत गई फेक फील्डिङ गरे ।
उनले बलर लुंगी न्गिदीतर्फ औंला तेर्स्याए जबकि फील्डर आइडन मारक्रमले बल कीपरतर्फ फ्याँके । जमानले आफू कुदिरहेको एन्डतिर बल फ्याँकिदैन होला भन्ने सोचेर सुस्त दौडिँदा क्रीजबाहिरै रहेर रनआउट भए ।
फेक फील्डिङ भन्नाले कुनै पनि फील्डरले आफ्नो शरीरको अंगलाई हल्लाएर ब्याट्स्म्यानलाई गल्ती गर्नका लागि झुक्याउने काम हो ।
क्रिकेट नियमअनुसार, यसरी ब्याट्स्म्यानलाई झुक्याउनु अनफेयर हो ।
उत्कृष्ट ब्याटिङका लागि जमान म्यान अफ द म्याच घोषित भए तर पाकिस्तानले खेल हारेकाले उनी निराश रहे ।
That was some next level stuff from Quinton de kock. Almost saw a mini Kumar Sangakkara inside him#SAvPAK #fakharzaman #deock pic.twitter.com/xTSzmow05o
— tirth shah (@iplteamtrolls) April 4, 2021
