२३ जेठ २०८३, शनिबार
कोरोनाकालमा वैज्ञानिकहरू नयाँ नयाँ प्रयोग गरिरहेका छन् ।
इलेक्ट्रिकल स्विच बनाउने एक कम्पनीले आफ्नो स्विचमा कोरोनाभाइरस टिक्न नसक्ने दाबी गरेको छ । स्विचको सम्पर्कमा आएको एक मिनेटभित्र ९२.५ प्रतिशत भाइरस अन्त्य हुने दाबी कम्पनीको छ ।
स्विचलाई मानिसहरू दिनमा कैयौंपटक छुने गर्छन् । थाहा नपाइकनै स्विचले भाइरस फैलाइरहेका हुन्छन् ।
कोभिड–१९ महामारीका कारण मानिसहरू बारम्बार छुनुपर्ने कुरालाई छुन धक मान्न थालेका छन् ।
त्यसलाई दृष्टिगत गर्दै हेभल्स इन्डिया लिमिटेडले भाइरजसेफ टीएम प्रविधिबाट बनेको भनिएको एन्टीभाइरल र एन्टीब्याक्टेरियल स्विच ल्याएको हो ।
यसलाई भाइरसनिरोधी स्विचका रूपमा बजारमा ल्याइएको हो । दुई घन्टाभित्र स्विचमा ९९.८९ प्रतिशत भाइरस समाप्त हुने दाबी गरिएको छ ।
यो सामग्री प्रयोगकर्ता र वातावरण दुवैका दृष्टिमा सुरक्षित रहेको र मापदण्डअनुरूप रहेको कम्पनीको दाबी छ ।
