म्यानमारको शासनसत्ता हातमा लिएर दमन गरिरहेको सेनाविरुद्ध बोलेपछि हेन लेलाई ज्यान मार्ने धम्की आएको छ ।

थाइल्याण्डमा भएको मिस इन्टरनेसनल समारोहमा म्यानमारकी प्रतियोगी सुन्दरी हेनले देशमा भइरहेको सैनिक अत्याचारविरुद्ध बोलेकी हुन् ।

उनले भनिन्, ‘आज मेरो देश म्यानमारमा मान्छेहरू मारिँदैछन् । कृपया हामीलाई मद्दत गर्नुहोस् । हामीलाई अन्तर्राष्ट्रिय समुदायबाट तुरुन्त सहयोग चाहिएको छ ।’

हेनले यस्तो वक्तव्य दिएपछि उनका साथीहरू स्वदेश नफर्किन सुझाव दिइरहेका छन् । बीबीसीसँगको अन्तर्वार्तामा उनले ज्यान मार्ने धम्की आएकाले ३ महिनासम्म थाइल्याण्डमै बस्ने योजना बनाएकी छन् ।