१९ असार २०८३, शुक्रबार
नेपाल पत्रकार महासंघको नयाँ नेतृत्वका लागि बुधवार भएको चुनावमा अधिकांश स्थानमा कांग्रेस निकट प्रेस युनियन, माओवादी केन्द्र निकट प्रेस संगठन लगायतका संगठनको संयुक्त प्यानल विजयी भएको छ ।
केन्द्रीय पदाधिकारीको भने अन्तिम नतिजा आइसकेको छैन ।
अधिकांश जिल्लाको मतगणना सम्पन्न भइसक्दा अध्यक्षमा प्रेस चौतारीकी निर्मला शर्माभन्दा युनियन र प्रेस संगठनको संयुक्त प्यानलका उम्मेदवार विपुल पोखरेलले फराकिलो अग्रता हासिल गरेका छन् ।
महासचिवमा पनि संयुक्त प्यानलका रोशन पुरी अग्रस्थानमा छन् ।
ललितपुरमा प्रेस संगठनका सागर न्यौपाने विजयी भएका छन् । धनुषामा प्रेस संगठनकै मनिका झा विजयी भएकी छिन् ।
महोत्तरीमा युनियनका कमलेश मण्डल विजयी भएका छन् । सिरहामा जसपानिकट प्रेस मञ्चको मनोर बनैता विजयी भएका छन् । रौतहटमा माधव नेपाल पक्षीय प्रेस चौतारीका प्रेम चन्द झा विजयी भएका छन् ।
रामेछापमा युनियनका बद्री नयाँघरे विजयी भएका छन् भने धादिङमा प्रेस चौतारी माधव नेपाल पक्षका राजाराम शर्मा विजयी भएका छन् । धादिङमा प्रेस चौतारी, प्रेस संगठन र प्रेस मञ्चले चुनावी तालमेल गरेका थिए ।
रुपन्देहीमा २ दशकपछि कांग्रेसनिकट प्रेस युनियनका रामराज पोखरेल विजयी भएका छन् ।
कास्कीमा युनियनकी विमला भण्डारी विजयी भएकी छन् ।
