१० साउन २०८३, आइतबार
नेकपा माओवादी केन्द्रबाट निर्वाचित भई नेकपा एमालेतिर लागेका कर्णाली प्रदेशसभा सदस्य धर्मराज रेग्मी पदमुक्त भएका छन् ।
माओवादी केन्द्रले सांसद रेग्मीले दल त्याग गरेको सूचना प्रदेशसभा सचिवालयमा दिएपछि उनी पदमुक्त भएका हुन् ।
कर्णाली प्रदेशसभा सचिव जीवराज बुढाथोकीले सोमवार एक सूचना प्रकाशित गर्दै सांसद रेग्मीले दल त्याग गरेको सूचना माओवादी केन्द्र संसदीय दलबाट चैत २० गते प्रदेशसभा सचिवालयमा प्राप्त भएको जनाएका छन् ।
प्रदेशसभा अधिवेशन चालू नरहेको अवस्थामा सचिवालयबाट सूचना प्रकाशित भएपछि सांसद पदमुक्त हुने व्यवस्था रहेको छ ।
सांसद रेग्मीलाई नेकपा एमालेले पार्टी केन्द्रीय सदस्य र प्रदेश सचिव पदमा मनोनित गरिसकेको छ । रेग्मी दैलेखको निर्वाचन क्षेत्र नम्बर १(१) बाट निर्वाचित सांसद हुन् ।
