भारतको राजधानी दिल्लीमा प्रहरीका एक जवानलाई गुण्डाहरूले बेस्सरी कुटपिट गरेको भिडियो सार्वजनिक भएको छ । 

बर्दी लगाएका जवान गुण्डाहरूका अगाडि निरीह देखिएका छन् । 

ती कन्स्टेबललाई गुण्डाहरूले अश्लील गाली पनि गरेका थिए । उनी यो राम्रो भइरहेको छैन भन्छन् । कुटपिट गर्ने आरोपितहरू चाहिँ तैंले रक्सी पिएको छस् भन्दै प्रहरीलाई दुर्व्यवहार गर्छन् । 

सामाजिक सञ्जालमा भाइरल बनिरहेको भिडियोमा अर्का प्रहरी पनि देखिन्छन् र उनी कुटपिट गर्नेहरूलाई पछाडि तान्न कोशिश गरिरहेको देखिन्छ । 

दिल्ली प्रहरीका अनुसार, यो भिडियो अप्रिल १ मा उत्तमनगर इलाकामा खिचिएको हो । 

भिडियोलाई प्रहरीले निकै गम्भीरताका साथ लिएको छ । घटनाको अनुसन्धान भइरहेको छ र कारवाही गर्ने बताइएको छ । 

सूत्रहरूका अनुसार, सञ्जय गुप्ता नामक व्यापारीको सुरक्षाका लागि दिल्ली प्रहरीले दुईजना जवानलाई पीएसो बनाएको छ । भिडियोमा देखिएका जवानको नाम सुशील हो । उनी सञ्जयका पुराना पीएसओ हुन् । 

अप्रिल १ मा उनी सञ्जयलाई भेट्न गएका थिए । कुनै कुरामा सञ्जयका भतिजा अश्विनी गुप्तासँग उनको झगडा पर्‍यो । त्यसपछि सुशीलले अश्विनीलाई थप्पड हाने । 

त्यसपछि सञ्जयका भाइ रिंकु गुप्ता र अन्य मानिसले सुशीललाई पिटे ।
 

रिंकु गुप्ता उत्तमनगरमा रिफर्म नामक जिम चलाउँछन् । 

प्रहरीले घटनाको अनुसन्धान गरिरहेको छ ।