अफ्रिकी मुलुक चाडका राष्ट्रपति इद्रिस डेबीको मृत्यु भएको देशको सेनाले एक बयान जारी गरेर जनाएको छ । 

उनी युद्धको मोर्चामा लागेको चोटपटकका कारण बितेको बताइएको छ । 

उनी देशको उत्तरी भागमा रहेका विद्रोहीहरूका विरुद्ध एक सैन्य इकाइका कमान्डर थिए । 

सेनाका प्रवक्ता अजेम बर्मानदोआ अगौनाले देशको भौगोलिक अखण्डता जोगाउने क्रममा राष्ट्रपति डेबीको मृत्यु भएको बताए । 

गत अप्रिल ११ मा भएको आमनिर्वाचनमा डेबीले ८० प्रतिशत मत ल्याएको र छैटौंपटक कार्यकाल चलाउन लागेको बेलामा मृत्यु भएको हो । 

सन् १९९० मा पहिलोपटक राष्ट्रपति बनेका डेबीले लगातार शासन चलाउँदै आएका थिए ।