०१ असार २०८३, सोमबार
नक्कली पीसीआर रिर्पोट बनाएको आशंकामा वैदेशिक रोजगारका लागि निस्किएका १ सय २२ जना त्रिभुवन विमानस्थलबाट फर्काइएका छन् ।
त्रिभुवन विमानस्थल स्रोतले दिएको जानकारी अनुसार बुधवार उनीहरूलाई फर्काइएको हो ।
नक्कली पीसीआर रिपोर्ट बनाउने गरेको पाइएपछि मंगलवारमात्रै सील गरिएको ल्याबबाट नै उनीहरूले पीसीआर रिपोर्ट लिएको चेकजाँचका क्रममा पाइएपछि उनीहरूलाई फर्काइएको हो ।
विमानस्थलमा रहेको स्वास्थ्य डेस्कले रिपोर्ट हेरेर शंका लागेका सबैलाई फिर्ता पठाएको हो ।
यसैबीच प्रहरीले नक्कली रिपोर्ट बनाउने सुरिया हेल्थकेयर प्रा.लिका व्यवस्थापन प्रमुख खेलानन्दप्रसाद सिंहसहित ८ जनालाई पक्राउ गरेको छ ।
स्वाब संकलन तथा परीक्षण नै नगरी पीसीआर टेस्ट नेगेटिभ भनी उल्लेख भएका ४ थान नक्कली परीक्षण रिपोर्टसहित व्यवस्थापन प्रमुख खेलानन्दप्रसाद सिंहसहित ८ (आठ) जना व्यक्तिहरूलाई पक्राउ गरिएको हो ।
प्रहरीले कम्प्युटर लगायतका उपकरणहरू समेत बरामद गरेको छ ।
