१० असार २०८३, बुधबार
भारतको महाराष्ट्रमा रहेको नासिकमा एक अस्पतालमा अक्सिजन ट्यांकर लीक हुँदा २२ जना कोरोनारोगीको मृत्यु भएको छ ।
घटनाका कारण आधा घन्टा जति रोगीहरूको अक्सिजन आपूर्ति ठप्प भएको थियो ।
घटना जाकिर हुसेन म्युनिसिपल अस्पतालमा बुधवार भएको हो ।
मर्ने रोगीहरू भेन्टिलेटरमा थिए र उनीहरूलाई निरन्तर अक्सिजन आपूर्ति आवश्यक थियो । जाकिर हुसेन अस्पताल कोभिड अस्पताल हो । त्यहाँ लगभग १५० रोगीहरू अक्सिजनमा निर्भर वा भेन्टिलेटरमा बसिरहेका थिए ।
घटनाको तस्वीरमा ग्यास अस्पताल बाहिर ट्यांकरबाट चुहिरहेको र घना कुहिरो फैलिएको देखिन्छ ।
महाराष्ट्रका स्वास्थ्यमन्त्री राजेश टोपेले सरकार घटनाको अनुसन्धानमा लागेको बताए ।
‘प्राप्त जानकारी अनुसार, भेन्टिलेटरमा रहेका रोगीमो मृत्यु भएको हो । ती रोगीहरूलाई अक्सिज दिइरहेको ट्यांकमा लीकेज भएको हो । रोगीहरू निरन्तर आपूर्ति नपाएर मरेका हुन सक्छन्,’ टोपेले बताए ।
