२२ जेठ २०८३, शुक्रबार
भारतको अपराध रोकथाम महाशाखाले दुईवटा पसलबाट नक्कली स्यानिटाइजरको भारी मात्रा बिहीवार बरामद गरेको छ ।
वडोदराको वास्ना रोड र राओपुरा क्षेत्रबाट स्यानिटाइजरहरू बरामद गरिएको हो ।
मंगलवार पक्राउ परेका नितिन कोटवानीले ती पसलहरूलाई नक्कली स्यानिटाइजर बेचेका थिए ।
कोटवानीले १० महिनामा १० करोड भारु नाफा कमाएको प्रहरीले जनायो ।
‘
कोटवानीले कुन कुन व्यापारीलाई नक्कली स्यानिटाइजर बेचेको हो भनी हामी खोजी गरिरहेका छौं । कोटवानीको इकाइमा बनेका सबै स्यानिटाइजर बरामद गर्नुपर्नेछ किनकि ती मानव स्वास्थ्यका लागि हानिकारक छन्,’ प्रहरी कमिस्नर शमशेर सिंहले बताए ।
कोटवानीको कारखानामा बनाइएका स्यानिटाइजरमा मेथनोल उपयोग गरिएको छ र त्यो हानिकारक रसायन हो ।
यति धेरै मेथनोल कोटवानीलाई कसले दियो भनेर पनि प्रहरीले खोजी गरिरहेको छ । मेथनोल औद्योगिक रसायन हो र उपयुक्त अनुमति विना यसलाई बेच्न पाइँदैन ।
