काठमाडौं, १५ जेठ– नेकपा एमालेका अध्यक्ष केपी शर्मा ओलीले भरतपुरको जारी मतगणनामा माओवादी केन्द्रले अराजकता देखाएको आरोप लगाएका छन् ।

राजधानीमा आज आयोजित एक कार्यक्रममा ओलीले मतपत्र च्यात्नु लोकतन्त्रमाथिको अराजकता भएको बताएका हुन् ।

उनले भने,‘यो लोकतन्त्रमाथिको अराजकता हो, विधि र प्रक्रियामाथिको षड्यन्त्र हो ।’

ओलीले भरतपुर महानगरपालिकाको १९ नम्बर वडामा पुनः मतदान गर्ने कुरा एमालेलाई स्विकार्य नभएको बताए । उनले भने,‘पुन निर्वाचन कुनै पनि हालतमा एमालेले स्वीकार्दैन ।’