३० जेठ २०८३, शनिबार
श्रीलंकाको एक हिन्दू मन्दिरमा कोभिडको केसहरू बढिरहेको बेलामा पनि विशाल सभा आयोजन गरेको आरोपमा पुजारी लगायतलाई पक्राउ गरिएको छ ।
कोलम्बो गजेट पत्रिकाले दिएको खबरअनुसार, तमिलहरूको बाहुल्य रहेको जाफ्नामा श्री कामाक्षी अम्मन कोविल मन्दिरको उत्सवमा ठूलो भीडभाड भएको थियो । उत्सवमा कसैले पनि मास्क लगाएको थिएन र भौतिक दूरी पनि पालन गरेको थिएन ।
प्रहरीका अनुसार, मन्दिरको न्यासी मण्डलका प्रमुख तथा सचिवलाई प्रतिबन्ध उल्लंघन गरेको आरोपमा पक्राउ गरिएको छ । सरकारले भीड हुने कार्यक्रममा मे ३१ सम्मका लागि प्रतिबन्ध लगाएको छ ।
सिन्हाला तथा तमिल नववर्षपछि श्रीलंकामा गत साता विद्यालय, पार्टी तथा जनसभामा मे ३१ सम्मका लागि प्रतिबनध लगाएको छ ।
सरकारी र निजी कार्यालयका कर्मचारीलाई घरैबाट काम गर्न भनिएको छ ।
