१५ असार २०८३, सोमबार
संसारको सबभन्दा लामो झोलुंगे पुल पोर्चुगलमा सञ्चालनमा आउन थालेको छ ।
कुल ५१६ मिटर लामो पुल अरूका नामक शहरमा छ । यसले अगिरास झरना र पाइवा गल्छीलाई जोड्छ । अरूका जियोपार्कले यो रोमाञ्चक पुल बनाएको हो ।
झरनाको मनोरम दृश्य, गल्छी र तीव्र गतिमा बहने नदी हेर्दै पुल पार गर्न १० मिनेट लाग्छ । तर डर लागेर आँखा चिम्लँदै दौडिँदै पार गर्ने हो भने चार मिनेटमा पुगिन्छ ।
यो तिब्बती शैलीको झोलुंगे पुल हो । यसलाई स्टीलका तार र दुई विशाल टावरले अड्याएका छन् । कुल १६ सय ९० फीट अग्लो छ ।
पाइवा नदी १७६ मिटर तल बगिरहेको छ ।
इटेकोन्स नामक संस्थाले पुलको डिजाइन बनाएको हो । यसको निर्माण पूरा हुन तीन वर्ष लागेको थियो ।
