२१ जेठ २०८३, बिहीबार
भारतको पश्चिम बंगालमा ममता बनर्जीका निर्वाचन रणनीतिकार प्रशान्त किशोरले प्रधानमन्त्री नरेन्द्र मोदी लोकप्रिय छन् भन्दैमा उनको भारतीय जनता पार्टीले सबै चुनाव नजित्ने बताएका छन् ।
एनडीटीभीसँगको अन्तर्वार्तामा किशोरले यो निर्वाचनमा निकै कठिन संघर्ष गर्नुपरेको बताए । उनले भने, ‘हामीलाई निकै गाह्रो पर्यो । निर्वाचन आयोग हामीविरुद्ध पूर्वाग्रही थियो र हाम्रो अभियानलाई अप्ठ्यारोमा पारेको थियो । हामी
आफ्नो जीतमा विश्वस्त थियौं जबकि भाजपाले बंगाल जित्न लागेको भन्दै व्यापक प्रचारबाजी गरेको थियो,’ किशोरले भने ।
किशोरले डिसेम्बर २१ मा एउटा ट्वीट गरेर भाजपाले दोहोरो अंक पार गरेछ भने आफूले ट्विटर नै छोडिदिने र स्क्रीनशट गरेर राखे हुन्छ भनेका थिए । आजको दिन उनको त्यो ट्वीट भाइरल बनिरहेको छ ।
