काठमाडौं १६ जेठ– काठमाडौं महानगरपालिकाको मेयरमा आफ्ना उम्मेदवार विजयी भएपछि नेकपा एमालेले मंगलवार काठमाडौंमा विजय जुलुस निकालेको छ ।
गत वैशाख ३१ गते सम्पन्न निर्वाचनको आइतवार सम्पन्न मतगणनामा एमालेका विद्यासुन्दर शाक्य मेयरमा विजयी भएका थिए ।
एमालेले मंगलवार काठमाडौंका विभिन्न स्थानमा विजयजुलुस सहित दिउसो भृकुटी मण्डपमा विजय सभाको आयोजना गरेको छ ।
काठमाडौंमा परेको पानीको पर्वाह नगरी एमाले कार्यकर्ता विजय जुलुसमा सहभागि भएका छन् । काठमाडौंका मेयर शाक्य पनि जुलुसमा सहभागि छन् ।
