कोरोना लागेकाहरूलाई फंगल इन्फेक्सनको पनि डर, जान्छ आँखाको ज्योति

भारतको सर गंगाराम हस्पिटल तथा अन्य अस्पतालहरूमा कोरोना निको भएका रोगीहरूमा म्यूकोरमाइसिस नामक फंगल इन्फेक्सनका धेरै केसहरू पाइएको छ । 

चिकित्सकहरूका अनुसार, यो इन्फेक्सन खतरनाक छ र यसले आँखाको ज्योति समेत गुमाउने स्थिति ल्याउन सक्छ । अनि चिउँडो समेत निकाल्नुपर्ने हुन सक्छ । 
 


Advertisement

गंगाराम अस्पतालका वरिष्ठ नाक कान घाँटी सर्जन डा मनीष मुंजालका अनुसार, कोरोना बढेसँगै यो खतरनाक फंगल इन्फेक्सनका केसहरू पनि बढिरहेका छन् । दुई दिनमा यस इन्फेक्सन भएका ६ जना रोगीलाई भर्ना गरिएको छ । 

गत डिसेम्बर महिनामा पनि यस इन्फेक्सनका कारण कतिपय रोगीले दृष्टि गुमाएका थिए । अनि कतिपय रोगीको नाक र चिउँडो निकाल्नुपरेको थियो । 

कोभिडबाट निको भएका कुनै व्यक्तिको नाक बन्द भइरहन्छ, आँखा वा गाला सुन्निएको छ र नाकमा पाप्रो आएको जस्तो भएको छ भने तत्कालै चिकित्सकको सम्पर्कमा आउनुपर्ने हुन्छ । 
 

ईएनटी डिपार्टमेन्टका अध्यक्ष डा अजय स्वरूपका अनुसार, पहिले कुनै पनि रोग नभएका कोरोना रोगीलाई पनि यस्तो इन्फेक्सन भइरहेको देखिन्छ । 

अनि इम्युनिटी कम भएका कोभिड रोगी यसको शिकार धेरै भइरहेको पाइएको छ । 

डा स्वरूप भन्छन्, ‘कोरोना निको भएको रोगीलाई मधुमेह, मिर्गौलाको समस्या वा क्यान्सर छ भने म्यूकोरमाइसिस हुने सम्भावना बढी हुन्छ ।’
 

एजेन्सी
एजेन्सी

लेखकबाट थप...

कमेन्ट गर्नुहोस्