०५ साउन २०८३, मंगलबार
भारतमा कोभिडका केसहरू बढिरहेको बेलामा उत्तर प्रदेशमा भारतीय जनता पार्टीका विधायकले आफूलाई गहुँतले कोरोनाभाइरसबाट बचाएको भन्दै अरूलाई पनि गोमूत्र पिउन सल्लाह दिएका छन् ।
बलिया जिल्लाको बैरियाबाट भाजपा विधायक सुरेन्द्र सिंहले गहुँत पिएको भिडियो सार्वजनिक गरेका छन् । गहुँत कसरी पिउने भनी उनले प्रस्तुति नै दिएका छन् ।
चिसो पानीसँग गहुँत पिउन उनले मानिसहरूलाई सिफारिश गरे ।
‘म दिनदिनै बिहान गहुँत पिउँछु र जनताको सेवामा दिनको १८ घन्टा खटिने भए पनि म स्वस्थ छु । दिनदिनै गहुँत पिउन म मानिसहरूलाई अपील गर्न चाहन्छु,’ सिंहले बताए ।
दुई बिर्को गहुँतलाई एक गिलास पानीमा राखेर पिउनुपर्ने उनको भनाइ छ ।
‘गहुँत पिएको आधा घन्टासम्म केही पनि नखानुहोला,’ उनी थप्छन् ।
आफूले विज्ञानमा भन्दा गोमूत्रमा विश्वास गर्ने गरेको उनको भनाइ छ ।
#WATCH | BJP MLA Surendra Singh in UP's Ballia claimed drinking cow urine has protected him from coronavirus. He also recommended people to 'drink cow urine with a glass of cold water'. (07.05)
— ANI UP (@ANINewsUP) May 8, 2021
(Source: Self made video) pic.twitter.com/C9TYR4b5Xq
