२४ जेठ २०८३, आइतबार
नेकपा एमालेका नेता माधवकुमार नेपालसहित ४ जनालाई कारवाही फुकुवा भएपछि नेता योगेश भट्टराईले गल्ती सच्याउनु राम्रो भएको प्रतिक्रिया दिएका छन् ।
सामाजिक सञ्जाल ट्विटरमा प्रतिक्रिया जनाउँदै भट्टराईले कारवाही गर्नु गल्ती भएको जनाउँदै सच्याउनु राम्रो भएको जनाए ।
बालुवाटारमा बिहीवार बसेको स्थायी कमिटी बैठकले नेता नेपाल, भीम रावल, सुरेन्द्र पाण्डे र घनश्याम भुसालको निलम्बन फुकुवा गर्ने निर्णय गरेको छ ।
निर्णय सार्वजनिक भएपछि नेता भट्टराईले लेखेका छन्, ‘हिजो गल्ती भएको थियो, त्यसलाई सच्याउनु राम्रो हो । अब कुरा गरेर सहमति बनाउन लाग्नुपर्छ ।’
हिजो गल्ती भएको थियो, त्यसलाई सच्याउनु राम्रो हो । अब कुरा गरेर सहमति बनाउन लाग्नु पर्छ ।
— Yogesh Bhattarai (@yogesbhattarai) May 13, 2021
