इजरायल र हमासको आक्रमणका कारण गाजामा ज्यान बचाउन धौधौ

इजरायल र हमासबीच गाजामा भइरहेको युद्धमा परी प्यालेस्टानका सर्वसाधारणलाई ज्यान बचाउन धौधौ परेको छ । 

सोमवार रातिदेखि दुवै पक्षबीच अनेकौं आक्रमण प्रत्याक्रमण भएका छन् । 


Advertisement

विगत केही वर्षयताको यो सबभन्दा खराब द्वन्द्व हो । 

इजरायलको दक्षिणमा रहेको अश्कलोन शहरमा गाजाबाट गरिएको रकेट आक्रमणका कारण क्षति पुगेको छ । 
 

हमासका विद्रोहीहरूले उक्त क्षेत्रमा बस्नेहरूको जिन्दगी नरक बनाइदिने चेतावनी दिएकाले स्थानीयहरू डराएका छन् । 

त्यहाँ घरिघरि साइरन बज्छ र मानिस लुक्नका लागि ठाउँ खोजिरहेका हुन्छन् । 

त्यहाँ गाजाबाट प्रहार गरिएका अधिकांश रकेटलाई इजरायलले आइरन डोम मिसाइल डिफेन्स सिस्टममार्फत रोक्ने गरेको छ । 

त्यसपछि आकाशमा विस्फोटको चर्को आवाज सुनिन्छ र आकाशमा धूवाँको रेखा कोरिन्छ । 

आइरन डोमले रोके पनि कतिपय रकेटहरू सीधै भवनहरूमा आएर खसेका छन् । यी आक्रमणमा परी दुई महिलाको मृत्यु भएको छ भने धेरै मानिस घाइते भएका छन् । 

हालैका वर्षमा इजरायलले भवनमा बम आक्रमणबाट बच्नका लागि उचित व्यवस्था गर्ने नियम बनाएको छ । तर कतिपय पुराना भवनमा यस्तो व्यवस्था छैन । 

एक महिलाले बताएअनुसार, एउटा क्षेप्यास्त्र उनको घरमा खस्यो र उनी दराजमा लुकिन् । 

युद्ध सकिने आशा मानिसहरूले गरिरहेका छन् ।

एजेन्सी
एजेन्सी

लेखकबाट थप...

कमेन्ट गर्नुहोस्