१६ असार २०८३, मंगलबार
अमेरिकामा राष्ट्रपति निर्वाचन हारेका भए पनि डोनल्ड ट्रम्पले रिपब्लिकन पार्टीमा आफ्नो पकड बलियो बनाएका छन् ।
त्यसक्रममा तल्लो सदन हाउस अफ रिप्रेजेन्टेटिभ्सका सांसदहरूले लिज चेनीलाई नेतृत्वबाट हटाएका छन् किनकि उनले सन् २०२० को निर्वाचनमा धाँधली भएको भन्ने ट्रम्पको दाबीलाई झूटो भन्दै आएकी थिइन् ।
यस कदमले रिपब्लिकन पार्टीको प्राथमिकताका विषयमा उच्चस्तरीय सन्देश दिएको छ । त्यो के भने पार्टी ट्रम्पप्रति पूर्ण बफादार छ । अनि ट्रम्पको विरोध गर्नेहरूलाई पनि केही हदसम्म सहन तयार छ भन्ने सन्देश पनि दिइएको छ ।
नेतृत्व गुमाउनुअघि चेनी संसदमा रिपब्लिकन पार्टीकी तेस्रो वरियतामा थिइन् । जनवरी ६ मा ट्रम्प समर्थकहरूले संसद् भवनमा गरेको आक्रमणपछि ट्रम्पमाथि लागेको महाभियोगका पक्षमा मतदान गर्ने १० जना रिपब्लिकनमध्ये चेनी पनि एक हुन् ।
चेनी पूर्व उपराष्ट्रपति डिक चेनीकी छोरी हुन् ।
अन्य नौजना रिपब्लिकनहरूले पनि ट्रम्पको महाभियोगको पक्षमा भोट दिएकोमा निकै दबाब झेलिरहनुपरेको छ ।
