भारतका प्रख्यात ब्याडमिन्टन खेलाडी तथा बलिउड अभिनेत्री दीपिका पादुकोणका पिता प्रकाश पादुकोण कोरोनाबाट निको भएका छन् । 

मे महिनाको शुरूतिर स्वास्थ्य बिग्रिएपछि उनलाई बेंगलुरुको अस्पतालमा भर्ना गरिएको थियो । उनी पूरै ठीक भएर अस्पतालबाट घर आइसकेको जानकारी उनका नजिकैका साथी विमल कुमारले जानकारी दिए । 

केही दिनअघि दीपिका पादुकोण पनि कोरोना पोजिटिभ पाइएपछि आइसोलेसनमा पुगेकी थिइन् । उनको स्वास्थ्य पनि पहिलेभन्दा ठीक भएको बताइएको छ । 

प्रकाश पादुकोण, उनकी पत्नी र कान्छी छोरी अनीशालाई कोभिड–१९ का लक्षणहरू देखिएका थिए । स्वास्थ्य जाँच गराउँदा रिपोर्ट पोजिटिभ आयो । त्यसपछि सबैले घरमा आइसोलेसनमा बसे । तर दुई दिनपछि पनि प्रकाशको ज्वरो घटेन । 

त्यसपछि उनलाई अस्पतालमा भर्ना गरियो । पत्नी र छोरी घरैमा क्वारेन्टीनमा छन् ।