काठमाडौं १७ जेठ–पटक पटक निर्वाचनको मिति सारेको भन्दै राष्ट्रिय जनमोर्चाका अध्यक्ष चित्रबहादुर केसीले राष्ट्रपति विद्यादेवी भण्डारीले बोलाएको सर्वदलीय बैठकमा प्रधामनन्त्री पुष्पकममल दाहाल प्रचण्डप्रति कटाक्ष गरेका छन् ।
बुधवार राष्ट्रपति कार्यालय शितल निवासमा आयोजित सर्वदलीय बैठकमा केसीले पटक पटक चुनाव सार्ने सरकारको निर्णयप्रति कटाक्ष गरेका हुन् । ‘जेठ ३१ गतेका लागि तोकिएको चुनाव इन्द्रेका बाउँ चन्द्रेले पनि रोक्न सक्दैन भनेर प्रधामनन्त्रीले भन्नु भएको होइन ?’ केसीले भने, ‘३१ गतेवाट असार ९ र अहिले १४ गते पुराइएछ, यो चुनाव नगर्ने चाल होइन ?’
नेता केसीले दलहरुले चुनाव नगराएर संविधान असफल बनाउने चलखेलमा लागिपरेको आरोप लगाए । ‘हिउँदमा झडगा गरेर बस्ने, अहिले मध्य बर्खामा चुनाव गर्छु भन्नु चुनाव गराउनलाई हो कि झारा टार्न ?’ उनले प्रश्न गरे ।
अध्यक्ष केसीले कांग्रेस र माओवादी केन्द्रबीच दश महिना अघि नै सरकार फेर्ने ‘अक्कर नामा’ भएको भन्दै सहमतीय सरकार गठनको कुरा गर्नु व्यर्थ भएको बताए ।
