भारतको केन्द्रीय अनुसन्धान ब्युरोले सोमवार पश्चिम बंगाल सरकारका दुई बहालवाला मन्त्री फिरहाद हकिम र सुव्रत मुखर्जीलाई पक्राउ गरेको छ । 

उनीहरूसँगै तृणमूल कांग्रेसका विधायक मदन मित्र र पूर्वमन्त्री शोभन चटर्जीलाई पनि पक्राउ गरिएको छ । 

सन् २०१४ मा गरिएको नारद स्टिङ अपरेसनमा यी नेताहरूले काल्पनिक कम्पनीका प्रतिनिधिहरूलाई काम मिलाइदिने शर्तमा घूस खाएको सार्वजनिक भएको थियो । त्यसको भिडियो टेपरेकर्ड विधानसभा निर्वाचनअघि सन् २०१६ मा सार्वजनिक गरिएको थियो । 
 

सीबीआईले सोमवार नै उनीहरूका विरुद्ध अभियोगपत्र बनाएर अदालतसमक्ष पेश गर्दैछ ।

पश्चिम बंगालमा राज्यपाल जगदीप धनखडले तृणमूलका चार नेतालाई अभियोजन चलाउनका लागि अनुमति दिएपछि पक्राउ गरिएको हो ।