०४ साउन २०८३, सोमबार
गाजामा बस्ने १० वर्षीया बालिका नडाइन अब्देल–ताइफले इजरायल र प्यालेस्टाइनबीच भइरहेको संघर्षका कारण परेको असरका बारेमा कारुणिक कुरा गरेको एउटा भिडियो अहिले भाइरल बनिरहेको छ ।
उनले आँखाभरि आँसु ल्याउँदै गरेको एकालापले धेरैजनालाई स्तब्ध पारेको छ ।
पछि उनले रुसको आरटीसँग कुरा गर्दै आफ्नो पीडा थप व्यक्त गरिन् । ‘दिनदिनै, राति र साँझ पनि हामी क्षेप्यास्त्र विस्फोटको आवाज सुन्न बाध्य छौं । बिहान हामी मानिस रोएको र कराएको सुन्छौं,’ उनले भनिन् ।
आक्रमण शुरू भएपछि उनको परिवारले घरको प्यासेजमा दुईवटा डसना राखेर बस्ने गरेको छ । झ्याल र ढोकाबाट सकेसम्म टाढा उनीहरू बस्ने गरेका छन् ।
राति कोही पनि सुत्न सक्दैन । सुत्न खोज्दा क्षेप्यास्त्र र बालबालिका रोएको आवाज मात्र सुनिन्छ । टाउकोमा सिरानीले थिचेर आफू पल्टिने गरेको उनी बताउँछिन् ।
नडाइन साथीहरूसँग सडकमा खेल्न पाएकी छैनन् किनकि कुनै पनि बेलामा क्षेप्यास्त्र आइपुग्न सक्छ । बाहिर जाँदा सडकभरि मान्छे लडेको मात्र देखिने भएकाले उनलाई घरबाहिर निस्कन पनि मन लागेको छैन ।
आफू ठूलो भएर चिकित्सक बन्न र मानिसहरूको सहयोग गर्न चाहेको तर अहिले पढाइ पनि अवरोध भएको उनको गुनासो छ । म दिनभरि रोएर बस्ने गरेकी छु, उनी भन्छिन् ।
"I don't know what to do."
— Middle East Eye (@MiddleEastEye) May 17, 2021
A 10-year-old Palestinian girl breaks down while talking to MEE after Israeli air strikes destroyed her neighbour's house, killing 8 children and 2 women#Gaza #Palestine #Israel pic.twitter.com/jnZx8wruaX
