नेकपा माओवादी केन्द्रका अध्यक्ष पुष्पकमल दाहाल प्रचण्डको सचिवालयले २४ घण्टा भित्र प्रधानमन्त्री बन्ने भए आऊ भनेर राष्ट्रपतिले भन्नु विल्कुल संविधान बिपरित भएको प्रतिक्रिया जनाएको छ । 
प्रचण्डकी स्वकिय सचिव गंगा दाहालले बिहीवार राति सामाजिक सञ्जाल ट्वीटरमा सन्देश लेख्दै नाटकीय ढंगले २४ घण्टामा प्रधानमन्त्री बन्न आउ भन्नु संविधान विपरित भएको दावी गरेकी हुन् । 

‘नाटकीय ढंगमा २४ घण्टा भित्र प्रधानमन्त्री बन्ने भए आऊ भनेर राष्ट्रपतिले भन्नु विल्कुल संविधान बिपरित  छ जब कि प्रधानमन्त्रीले संविधानत ३० दिन भित्र विश्वासको मत लिनुपर्ने थियो।देश कोरोनाले अक्रान्त भएको बेला सरकारको ध्यान भने कुर्सीमा मात्र हुनु नेपाली जनताको निम्ति बिडम्बना’ गंगाले ट्वीटरमा लेखेकी छिन् । 

मन्त्रिपरिषद्को सिफारिशमा राष्ट्रपति विद्यादेवी भण्डारीले शुक्रवार साझ सम्मको समय दिएर उपधारा ५ अनुसार सरकार गठनका लागि बिहीवार आग्रह गरेकी छन् । राष्ट्रपतिको आव्हानलाई लिएर नेपाली कांग्रेसले असंवैधानिक कदम भनेको छ ।