पूर्वप्रधानमन्त्री तथा जसपा नेपालका संघीय परिषद् अध्यक्ष डा बाबुराम भट्टराईले धारा७६ (५) बाटै निकास  दिन अपील गरेका छन् । राष्ट्रपतिले आह्वान गरेको नयाँ सरकार गठन प्रक्रियाप्रति असन्तुष्टि जनाउँदै उनले राष्ट्रपति र प्रधानमन्त्रीको षड्यन्त्र र संविधानमाथिको आक्रमण रोक्न सबैले दलीय तथा निजी स्वार्थ त्यागेर जोजेमा सहमति हुन्छ त्यहीअनुसा  धारा७६ (५) बाटै निकास दिनुपर्ने बताएका हुन् ।  । 

उनले ट्वीटरमार्फत राष्ट्रपति र प्रधानमन्त्रीलाई खुराफात शीरोमणिको संज्ञा दिँदै कटाक्ष समेत गरेका छन् । 
‘खुराफात शीरोमणिद्वयको षडयन्त्र र संविधानमाथिको आक्रमणको शृंखला नरोकिने भयो।कोरोना महाब्याधीको यत्रो संकटको वेला देशलाई अनिश्चित र हुनसेन स्टाइल चुनावको अँध्यारो सुरूंगमा धकेल्नेहरूलाई दण्डितरपरास्त गरौं।सबैले दलीय–निजी स्वार्थ त्यागेर जोजेमा सहमति हुन्छ धारा ७६ (५)बाटै निकास दिऊँ !, भट्टराईले ट्वीटरमा भनेका छन् ।