०१ असार २०८३, सोमबार
सामोआकी फियामे नाओमी माताफालाई देशको पहिलो महिला प्रधानमन्त्रीका रूपमा सोमवार शपथ दिलाइएको छ ।
उनको फातुआतुआ इ ले आतुवा सामोआ उआ तासी (फास्ट) दलले पहिलोपटक सरकार बनाएको छ ।
पराजित पार्टीको सरकारले शक्ति हस्तान्तरण गर्न नमानेपछि फियामेलाई एउटा टेन्टमुनि संसद् बनाएर शपथग्रहण गराइएको थियो ।
संसद् भवनको ढोकामा ताल्चा लगाइएको छ र पुरानो सरकारका प्रधानमन्त्रीले सर्वोच्च अदालतको आदेश मान्न अस्वीकार गरेका छन् ।
गतिरोधको स्थिति आएपछि फास्टले आफ्नै शपथग्रहण गराएको छ । पूर्व महान्यायाधिवक्ता ताउलापापा ब्रेन्डा हेदर–लाटुले व्यवस्थापिकाको कर्मचारीको काम गर्दै शपथ दिलाएकी छन् ।
फियामेले संसद् भवन र अदालत भवनको बीचमा रहेको भागमा शपथ लिएकी हुन् ।
नननिर्वाचित सांसदहरूको नाम पढेर सुनाइएको थियो । लियो पापाली मासिपाउ संसद्का नयाँ सभामुख बनेका छन् ।
विश्लेषकहरूले देशमा रक्तपातविहीन कू गर्न लागिएको र अपदस्थ सरकारले फियामे र फास्टलाई देशद्रोहको आरोप लगाउने सम्भावना रहेको चेतावनी दिएका छन् ।
यो पनि पढ्नुहोस् :
सामोआ : महिला प्रधानमन्त्री भएको देखिनसहेर बहालवाला सरकारले रोक्यो शपथग्रहण
