१४ असार २०८३, आइतबार
अमेरिकाले ताइवानको विषयमा चीनको दृष्टिकोणबाट आक्रोशित भएर सन् १९५८ मा आणविक आक्रमण गर्न खोजेको अमेरिकाका ९० वर्षीय पूर्व सैन्य विशेषज्ञ डेनियल एल्सबर्गले खुलासा गरेका छन् ।
चीनको कम्युनिस्ट शासनबाट ताइवानलाई बचाउनका लागि यो फैसला गरिएको थियो । चीनको मुख्यभूमिलाई निशाना बनाउन खोजिएको थियो ।
एल्सबर्गले गोप्य दस्तावेजको केही भाग अन्लाइन पोस्ट गरेका हुन् । सन् १९७५ मा यसलाई आंशिक रूपमा क्लासिफाई गरिएको थियो ।
चीनले ताइवानलाई धम्क्याइरहने हो भने उसमाथि आणविक आक्रमण गर्ने भनी अमेरिकाले सोच बनाएको थियो ।
अहिले ताइवानका विषयमा अमेरिका र चीनबीच विवाद बढेकाले यो दस्तावेज आफूले अप्लोड गरेको एल्सबर्गले बताए ।
एल्सबर्ग सन् १९७१ मा भियतनाम युद्धका विषयमा बनाइएको टप सिक्रेट पेन्टागन पेपर्स लीक गरेर प्रख्यात बनेका थिए ।
यो दस्तावेज लेख्ने व्यक्तिले तत्कालीन जोइन्ट चीफ अफ स्टाफ्सका प्रमुख जनरल नाथन ट्विनिङ चीनलाई रोक्नका लागि अमेरिकाले उसको हवाई अड्डालाई पनि निशाना बनाउँदै आणविक आक्रमण गर्न रहेको भनी लेखेका थिए ।
लडाइँ भइहालेछ भने अमेरिकासँग आणविक बम प्रयोग गर्नुको विकल्प नरहेको उनले बताएका थिए । बमको निशानामा शांघाई शहर पनि हुने थियो ।
सन् १९५८ मा चीनको सेनाले ताइवानमा बमवर्षा रोकेपछि ताइवान संकट समाप्त भएको थियो । त्यसपछि उक्त क्षेत्र च्याङ काई शेकको राष्ट्रवादी शक्तिको नियन्त्रणमा रहन दिइएको थियो ।
